لاہور۔ آئی پی سی کی ٹیم نے یہاں اعتراف کرکٹ گراؤنڈ میں کھیلے گئے فائنل میں ڈی پی ایس ٹیم کو 21 رنز سے شکست دینے کے بعد کارپوریٹ چیلنج کپ کا ٹائٹل اپنے نام کرلیا۔
آئی پی سی کی ٹیم نے پہلے بیٹنگ کرتے ہوئے مقررہ اوورز میں چھ وکٹوں کے نقصان پر بورڈ پر 193 رنز بنائے۔ عمیر اعظم 80 رنز بنا کر ٹاپ اسکورر کے طور پر سامنے آئے جبکہ محمد صدیق اور احمد رضا نے دو دو وکٹیں حاصل کیں۔ مطلوبہ ہدف کے تعاقب میں ، ڈی پی ایس کی ٹیم 172 رنز بنا سکی۔ علی ارحم نے 65 رنز بنائے جبکہ دانش احسان نے عمدہ بولنگ کی اور تین وکٹیں حاصل کیں۔
عمیر اعظم کو عمدہ بیٹنگ کے لئے میچ کا بہترین کھلاڑی قرار دیا گیا۔ اے ایم ٹی کے وقاص الدین کو ٹورنامنٹ کا بہترین بیٹسمین ، ایکپرٹ ڈیجی کے حماد عزیز بہترین بولر جبکہ ڈی پی ایس کے محمد جواد ٹورنامنٹ کے بہترین کھلاڑی قرار پائے۔ فائنل کے بعد رنگا رنگ اختتامی تقریب کا انعقاد کیا گیا ، جس میں فاتح ٹیم اور ٹاپ پرفارمرز کو انعامات سے نوازا گیا۔
اس موقع پر چیف آرگنائزر فہیم مختار بٹ نے خطاب کرتے ہوئے کہا: "کارپوریٹ چیلنج کپ پریمیر سپر لیگ کے زیر اہتمام کیا گیا تھا۔ کارپوریٹ سیکٹر میں کرکٹ مقبولیت حاصل کررہی ہے ، تمام ٹیموں کی حوصلہ افزائی کے ساتھ ٹورنامنٹ بہتر انداز میں مکمل ہوا۔ اب ہم پروفیسر مختار احمد بٹ میموریل ٹی ٹونٹی کارپوریٹ لیگ شروع کرنے جارہے ہیں ، جس میں آٹھ ٹیمیں اپنی صلاحیت کا مظاہرہ کریں گی اور ٹاپ پرفارم کرنے والی ٹیم ٹائٹل فاتح کے طور پر سامنے آئے گی۔
0 Comments