اسلام آباد - قومی احتساب بیورو نے مسلم لیگ ن کے رہنما اور سابق وزیراعلیٰ پنجاب شہباز شریف کے خلاف اپنے ذاتی کاموں کے لئے سرکاری ہیلی کاپٹروں کا غلط استعمال کرنے کے الزام میں ایک اور انکوائری کا آغاز کردیا۔
چیئرمین جسٹس (ر) جاوید اقبال کی زیرصدارت ایگزیکٹو بورڈ کے اجلاس میں مختلف شخصیات کے خلاف آٹھ بدعنوانی ریفرنسز دائر کرنے کی منظوری دی گئی۔
اینٹی گرافٹ واچ ڈاگ نے بتایا ہے کہ وزیر اعلی پنجاب کے عہدے پر ن لیگ کے رہنما نے نجی اثاثوں کے لئے ہیلی کاپٹر سمیت سرکاری اثاثے استعمال کیے۔حکام نے سابق چیئرمین سی ڈی اے امتیاز عنایت الٰہی کے خلاف اختیارات کو غلط استعمال کرکے دو منسوخ کمرشل پلاٹ الاٹ کرنے پر بھی بدعنوانی کا ریفرنس دائر کرنے کی منظوری دی۔
اجلاس میں کراچی کے سابق ڈائریکٹر جنرل پارکس لیاقت قائمخانی اور سابق سی ڈی اے چیئرپرسن امتیاز عنایت کے خلاف ریفرنسز کو بھی منظوری دی گئی۔
بیورو حکام نے سابق وزیر خزانہ اسحاق ڈار کے خلاف انکوائری کو بھی مسترد کردیا۔
0 Comments