کراچی - پاکستا ن اور سری لنکا کی فضائیہ نے دوطرفہ پیشہ ورانہ تعاون کو بڑھانے کے لئے نئی راہیں تلاش کرنے پر اتفاق کیا ہے۔
جمعہ کو کولمبو میں منعقدہ میٹنگ میں چیف آف ایئر اسٹاف ، ایئر چیف مارشل مجاہد انور خان اور ان کے سری لنکن ہم منصب ، ایئر مارشل ، سوڈرشنا کاراگوڈا پٹیرانا مفاہمت پر پہنچے۔
ملاقات کے دوران باہمی پیشہ ورانہ دلچسپی سے متعلق دوطرفہ امور زیربحث آئے۔
ائیر چیف مجاہد انور خان نے کہا کہ پی اے ایف کے لئے یہ فخر کا لمحہ ہے کہ سری لنکن ایئر فورس کے کمانڈر کو پاکستان میں تربیت دی گئی تھی۔
انہوں نے کہا کہ ہماری مسلح افواج عمومی طور پر اور خاص طور پر فضائیہ کے درمیان دوستی کے مضبوط تعلقات ہیں۔
سری لنکا کے ایئر چیف نے پی اے ایف کے چیف کی جانب سے تعاون کی پیش کش پر ان کا شکریہ ادا کیا۔
ائیر چیف مجاہد انور خان نے کٹونائکے میں سری لنکا کی فضائیہ کی 70 ویں سالگرہ کی پریڈ میں بطور مہمان اعزاز شرکت کی۔
0 Comments